ഹിരോഷിമ ദിനവുമായി ബന്ധപ്പെട്ടു മുളിയാർ മാപ്പിള ഗവ. UP സ്കൂൾ വിദ്യാർത്ഥികൾ യുദ്ധ വിരുദ്ധ റാലിയും പ്രതിജ്ഞയും നടത്തി . രാവിലെ സ്കൂൾ അങ്കണത്തിൽ ചേർന്ന അസംബ്ലി യിൽ മുനീർ മാസ്റ്റർ , കൃഷ്ണൻ മാസ്റ്റർ , യൂസുഫ്,ഹനീഫ് പൈക്കം എന്നിവർ സംസാരിച്ചു .യുദ്ധം മനുഷ്യരുടെ സ്വൈര്യ ജീവിതത്തിനു വിഘാതമാണെന്നും മാനവരാശിയുടെ നാശത്തിലാണ് യുദ്ധം കലാശിക്കുന്നതെന്നും വിദ്യാർത്ഥികൾ പ്രതിജ്ഞയിൽ ഏറ്റു ചൊല്ലി . ഹിരോഷിമയിലെയും നാഗസാക്കിയിലെയും മരിച്ചവരും ജീവിച്ചിരിക്കുന്നവരുമായ രക്തസാക്ഷികളെ അനുസ്മരിക്കാനും വിദ്യാർത്ഥികൾ മറന്നില്ല . മാനവ ഐക്യവും സാഹോദര്യവും കൊണ്ട് യുദ്ധക്കൊതിയെയും തീവ്രവാദത്തെയും തോൽപ്പിക്കണമെന്ന പ്രതിജ്ഞ കുട്ടികളിൽ ആവേശമുണർത്തി .ഹിരോഷിമ ദിനവുമായി ബന്ധപ്പെട്ടു ക്വിസ് ,ഉപന്യാസം,ചിത്രരചനാ ,പ്രസംഗം തുടങ്ങിയ വൈവിധ്യമാർന്ന മത്സരങ്ങൾ സ്കൂളിൽ നടന്നു . പ്രോഗ്രാം കൺവീനർ അബ്ദുൽ ഗഫൂർ മാസ്റ്ററുടെ നന്ദി യോടെ പരിപാടികൾ അവസാനിച്ചു
No comments:
Post a Comment